கடன் சுமையில் சிக்காமல் இருக்க...

பணம் கொடுத்து வாங்க முடியாத எந்தவொரு பொருளையும் கடனாக வாங்குவதை தவிர்க்க வேண்டும். இவ்வாறு நீங்கள் வாங்கினால் அது கடனில் மூழ்க வைக்கும்.

கடன் இல்லாமல் இருக்க வேண்டும் என்றால் குறைந்தது 6 மாத சம்பளத்தை கட்டாயம் சேர்த்து வைக்க வேண்டும். இந்த சேமிப்பானது நீங்கள் வேலையை இழந்தாலோ அல்லது மருத்துவ செலவு ஏற்பட்டாலோ பிறரிடம் கடன் வாங்காமல் சமாளிக்க உதவும்.

மாதாந்திர செலவுகளை பட்ஜெட் போட்டு செலவு செய்ய வேண்டும். வரவுக்கு மீறி செலவு செய்யாமல் சிக்கனமாக இருக்க வேண்டும்.

கிரெடிட் கார்டை பயன்படுத்துவதை தவிர்க்க வேண்டும். கிரெடிட் கார்டை பயன்படுத்தினால், வீண் செலவு அதிகரிப்பதுடன், வீட்டில் தேவையற்ற பொருட்களையும் வாங்கி குவிப்பீர்கள்.